“Braqa”nın futbolçusu Simon Banza “Qarabağ”a qarşı Bakıda keçiriləcək Avropa Liqasının pley-off mərhələsinin cavab oyunu ilə bağlı mətbuat konfransında danışıb. 90plus.az xəbər verir ki, 27 yaşlı hücumçu ilk görüşdəki 2:4 hesablı məğlubiyyətin əvəzini çıxmağa çalışacaqlarını bildirib: “ İlk oyunda məğlub olmuşduq. Rəqib yaxşı komandadır. Amma hazırda çox istəkliyik. Mümkünsüz heç nə yoxdur. Brumanın dönməsi komanda üçün sevindirici haldır. O, fərqli oyunçudur. Həm qol vurmağı, həm assist etməyi bacarır. Ümid edirəm ki, Bruma sabah mənə bir məhsuldar ötürmə verəcək". O, rəhbərliyin komandadan qələbə tələb etməsinə münasibət bildirib: " Bunu oyunçulara psixoloji təzyiq hesab edə bilərsiniz. Amma biz buna motivasiya kimi baxırıq". Qeyd : Sabah Tofiq Bəhramov adına Respublika stadionunda keçiriləcək “Qarabağ” – “Braqa” oyunu saat 21:45-də başlayacaq.