“Mançester Yunayted” Bruno Fernandeşi satmaq niyyətində deyil.
90plus.az xəbər verir ki, “Mançester Yunayted” klubu kapitan Bruno Fernandeşin bu yay heç bir halda komandadan ayrılmasını istəmir - The Sun.
Məlumata görə, klub portuqaliyalı yarımmüdafiəçiyə onun layihə üçün nə qədər vacib olduğunu bir daha bildirib və onu gələcək planların mərkəzi fiquru kimi görür. Bu addım futbolçu ətrafında əvvəlki qeyri-müəyyənliyi aradan qaldırmağa yönəlib.
Bruno Fernandeş son dövrlərdə göstərdiyi yüksək forma ilə də klub rəhbərliyinin mövqeyini gücləndirib. Rəhbərlik hesab edir ki, komandanın növbəti mövsümdə Avropa turnirlərində və xüsusilə də Çempionlar Liqasında iştirak etməsi onun klubda qalmasını daha da möhkəmləndirə bilər.
