Bu gün İsveçrənin Nyon şəhərində UEFA Avropa Liqasının 1/8 final mərhələsinin püşkatması olacaq. 90plus.az xəbər verir ki, Azərbaycan futbolu tarixində ilk dəfə bu mərhələdə yarışacaq "Qarabağ"ın rəqibi bilinəcək. "Köhlən atlar" səpələnməmişlər səbətində yer alıb. Püşkatma mərasimi saat 15:00-da başlanacaq. 1/8 finalda pley-off-un qalibləri Avropa Liqasında qrupu birinci yerdə başa vurmuş 8 komandadan biri ilə qarşılaşacaq. "Qarabağ"ın potensial rəqibləri sırasında onunla eyni qrupda mübarizə aparmış "Bayer" də (Almaniya) var.   "Qarabağ"ın potensial rəqibləri: "Atalanta" (İtaliya) "Bayer" (Almaniya) "Brayton" (İngiltərə) "Vest Hem" (İngiltərə) "Vilyareal" (İspaniya) "Liverpul" (İngiltərə) "Reyncers" (Şotlandiya) "Sparta" (Çexiya) Qeyd : İlk oyunları martın 7-də, cavab görüşləri isə martın 14-də keçiriləcək.