Bu gün çimərlik futbolu üzrə Azərbaycan millisi Bakıda təşkil olunan dünya çempionatının seçmə mərhələsində ilk oyununu keçirəcək. 90plus.az xəbər verir ki, milli komanda Moldova yığması ilə üz-üzə gələcək. “Su İdman Sarayı”nın ərazisindəki çimərlik futbolu meydançasında təşkil olunacaq görüş saat 18:45-də başlayacaq. A qrupunun digər görüşündə İtaliya və Estoniya komandaları qarşılaşacaq. Bu oyun isə 13:30-da start götürəcək. Azərbaycan millisinin heyəti: Qapıçılar : Elçin Qasımov, Vaqif Şirinbəyov, Rafiq Kərimov; Oyunçular : Comərd Baxşəliyev, Elşad Manafov, Orxan Məmmədov, Fuad Hüseynov, İsa Zeynalli, Sabir Allahquliyev, Ramil Əliyev, Kamran Qürbətov, Amid Nəzərov, Hüseyn Axundov, Tural Qurbatov.