“Çelsi” heyətini yeni futbolçu ilə gücləndirmək istəyir. 90plus.az futbol insayderi Fabrizio Romanonun “tvitter” səhifəsinə istinadən xəbər verir ki, London klubunun rəhbərliyi Enzo Fernandes transferi üçün “Benfika” rəhbərliyi ilə rəsmi danışıqlara başlayıb. Bu gecə onlar transferi rəsmiləşdirməyə çalışacaq. Transfer “mavilər”ə 120 milyon avroya başa gələ bilər. Qeyd edək ki, Enzo Fernandes bu mövsüm “Benfika”nın heyətində 26 matça çıxıb, 3 qol vurub, 5 asist edib.