Portuqaliya futbolunda inanılmaz nağıl gerçəkləşib. II Liqa təmsilçisi “Torrense” ölkə kubokunun finalında nəhəng “Sportinq”i məğlub edərək tarixində ilk dəfə avrokuboklara vəsiqə qazanıb.

90plus.az xəbər verir ki, həlledici görüşdə sensasiyaya imza atan Torres Vedraş təmsilçisi növbəti mövsüm birbaşa Avropa Liqasının əsas mərhələsində çıxış etmək hüququ əldə edib. Autsayder sayılan komandanın kuboku qazanması Portuqaliya futbolunda ilin ən böyük sürprizlərindən biri kimi qiymətləndirilir.

Bununla da “Torrense” üçün möhtəşəm mövsüm daha da unudulmaz ola bilər. Komandanın qarşıda hələ bir vacib oyunu qalıb. Klub yüksək liqaya yüksəlmək uğrunda pley-offun cavab matçında “Kaza Pia” ilə üz-üzə gələcək.

Əgər “Torrense” bu duelə də qalib gəlsə, komanda 1992-ci ildən sonra ilk dəfə Portuqaliyanın yüksək dəstəsində çıxış etmək imkanı qazanacaq.

Beləliklə, II Liqa klubunun həm ölkə kubokunu qazanaraq Avropa Liqasına düşməsi, həm də elitaya yüksəlmək şansını davam etdirməsi Portuqaliya futbolunda uzun illər xatırlanacaq hekayəyə çevrilib.