"Benfika" ildırım və yağış səbəbindən iki saatdan çox gecikən oyunda “Oklend Siti”ni darmadağın etdi.
90plus.az xəbər verir ki, Klubların Dünya Çempionatında Portuqaliya təmsilçisi “Benfika” güclü yağış və ildırım səbəbindən 2 saatdan çox gecikən oyunda Okeaniya təmsilçisi “Oklend Siti” üzərində 6:0 hesablı qələbə qazanıb:
Benfika 6 - 0 Oklend Siti
A. Di Maria 45+8’ (pen.) 90+7’ (pen.)
Pavlidis 54’
R. Sançes 63’
L. Barreiro 76’ 78’
“Bayern Münhen”ə ilk turda 0:10 hesabı ilə uduzan Yeni Zelandiyalılar bu dəfə daha nizamlı təsir bağışlayaraq matça yaxşı başladılar. “Benfika” hesabı yalnız birinci hissənin əlavə dəqiqələrində açdı – Anxel Di Mariya penaltidən fərqləndi.
Lakin əsl fasilə bundan sonra başladı – güclü yağış və ildırım nəticəsində fasilə iki saat yarımdan artıq çəkdi.
İkinci hissənin 53-cü dəqiqəsində “Benfika” ikinci qolu vurdu – Vandjelis Pavlidis cərimə meydanında gözəl kombinasiyanı tamamladı. Bundan sonra yorğunluğu hiss edilən “Oklend” tab gətirə bilmədi.
Renato Sançeşin uzaqdan zərbəsi müdafiəyə dəyib tora düşdü, ardınca Leandro Barreyro qısa müddətdə iki dəfə yaxın məsafədən fərqləndi. Son nöqtəni isə Di Mariya ikinci penaltisi ilə qoydu.
Qeyd: Bu həftə artıq dördüncü oyundur ki, kəskin hava şəraiti səbəbindən gecikir. Hətta bu oyun “Çelsi” ilə “Flamenqo” qarşılaşmasından 3 saat əvvəl başlamasına baxmayaraq, ondan gec başa çatdı.
