ABŞ-ın Sinsinnati şəhərində Klubların Dünya Çempionatının H qrupunun oyununda Avstriya komandası “Zalsburq” Meksikanın “Paçuka” klubu üzərində 2:1 hesablı qələbə qazanıb.

90plus.az xəbər verir ki, hesabı açan tərəf  42-ci dəqiqədə Avstriya klubundan Oskar Qlux olub. 
Matçın ikinci hissəsinin əvvəlində güclü hava şəraiti səbəbindən oyun təxminən 90 dəqiqəlik fasilə ilə üzləşib. Oyun bərpa olunduqdan bir neçə dəqiqə sonra – 56-cı dəqiqədə “Paçuka”dan Brayan Qonzales cərimə zərbəsindən bərabərlik qolunu vurub. 

Lakin bu, meksikalıların vurduğu yeganə qol olub. “Zalsburq”un 18 yaşlı qapıçısı Kristian Zavişitski əsas heyətdə debüt etdiyi görüşdə əla təsir bağışlayıb. Əvəzetmədən oyuna girən Karim Onisivonun vurduğu qələbə qolu oyunun axarına zidd şəkildə, “Zalsburq”un ikinci hissədəki ən kəskin hücumu zamanı gəlib. 

Qeyd: Növbəti turda “Zalsburq” bazar günü Vaşinqtonda “Əl-Hilal”la, “Paçuka” isə Şarlottda “Real Madrid”lə qarşılaşacaq.