Klublararası Dünya Çempionatı: “River Pleyt” “Ura”ya qalib gələrək turnirə uğurlu start verdi.

90plus.az xəbər verir ki, “River Pleyt” Klublararası Dünya Çempionatının E qrupundakı ilk oyununda Yaponiyanın “Urava Red Daymonds” klubunu 3:1 hesabı ilə məğlub edərək turnirə inamlı başlanğıc edib.

Argentina təmsilçisi Sietldə, “Lumen Field” stadionunda günəşli hava şəraitində baş tutan görüşdə rəqibinə qarşı üstün oyun sərgiləyib. 69 min tamaşaçı tutumuna malik arenada bu oyunu 12 minə yaxın azarkeş izləyib. Onların əksəriyyəti Yaponiyadan və Argentinadan gəlmişdi və stadionda iki tərəfin də coşqusu hiss olunurdu.

“Qol vurmaq üçün belə uzaq səfərə gələn azarkeşlərimizə təşəkkür edirəm. Bilirdik ki, buraya gəlmək asan olmayacaq, çünki birbaşa reys yoxdur. Amma onlar gəldilər və bütün oyun boyu möhtəşəm dəstək verdilər”, – deyə hesabı açan “River”in hücumçusu Fakundo Kolidio bildirib.

Cənubi Amerika təmsilçiləri bu günə qədər genişləndirilmiş formatda keçirilən Dünya Çempionatında məğlub olmayan komanda statusunu qoruyur.

River Pleyt 3 - 1 Urava Red Daymonds
F. Kalidio 12'
S. Driussi 48'
Matsuo 58' (pen.)
Meza 73'

Oyundan sonra Yapon təmsilçisinin futbolçusu Matsuo məğlubiyyətə baxmayaraq, komandasının növbəti matçda daha yaxşı çıxış edəcəyinə inandığını bildirib:

“Təəssüf ki, bu gün uduzduq, amma bu oyundan çox şey öyrənəcəyik və növbəti görüşə tətbiq edəcəyik.”

“Urawa”nın polyak baş məşqçisi Maçey Skorja isə nəticədən narazı qalıb:

“Nəticə məyusedicidir. Oyunun əvvəlində istədiyimiz futbolu göstərə bilmədik. İkinci hissədə daha yaxşı idik, amma buraxdığımız qollar çox asan oldu.”