Cob Bellingem “Borussiya Dortmund”la debütünü Braziliyanın “Fluminense” klubuna qarşı Klublararası Dünya Çempionatında keçirilən və qolsuz bərabərliklə başa çatan oyunda, ABŞ-ın Nyu-Cersi şəhərində ehtiyat oyunçular skamyasından meydana daxil olaraq etdi.
90plus.az xəbər verir ki, İngiltərənin U-21 millisinin yarımmüdafiəçisi olan 19 yaşlı Bellingem bununla böyük qardaşı Cudun izindən getmiş oldu. Cud “Borussiya Dortmund”da keçirdiyi üç illik müddətdə son oyununa 2023-cü ilin mayında çıxmışdı.
“Sanderlend”dən yeni transfer edilən Cob MetLife stadionunda keçirilən oyunda Alman klubunu qələbəyə daşıya bilmədi.
2023-cü ildə “Mançester Siti”nin finalda qalib gəldiyi Klublararası Dünya Çempionatının finalçısı olan “Fluminense”nin heyətində isə 44 yaşlı qapıçı Fabiu əsas heyətdə meydana çıxdı.
Təcrübəli qolkiper karyerasında 1.375-ci oyununa çıxaraq qapısını toxunulmaz saxladı. Cənubi Amerika təmsilçisi daha çox qol vəziyyəti yaradan tərəf oldu.
