FIFA 2026 Dünya Çempionatı üçün yeni qaydalar hazırlayır.
90plus.az xəbər verir ki, FIFA-nın 2026-cı ildə keçiriləcək Dünya Çempionatı ilə bağlı yeni intizam qaydaları tətbiq etməyi planlaşdırdığı bildirilir.
“Telegraph”ın məlumatına görə, yeni qaydalara əsasən, bəzi davranışlara görə futbolçular birbaşa qırmızı vərəqə ilə cəzalandırıla bilər.
Qaydalara görə, rəqiblə mübahisə zamanı ağızlarını əlləri ilə örtən futbolçular birbaşa qırmızı vərəqə ilə cəzalandırıla bilər. Bundan başqa, hakimin qərarına etiraz olaraq meydanı tərk edən futbolçular da eyni cəza ilə üzləşə bilər.
Məlumata əsasən, bu dəyişikliklərin məqsədi meydanda intizamı gücləndirmək və hörmətsiz davranışların qarşısını almaqdır.
