“Qalatasaray” Türkiyənin ən böyük klubudur”. 90plus.az “GS TV”yə istinadən xəbər verir ki, bu sözləri “Qalatasaray”ın argentinalı oyunçusu Mauro İkardi deyib. Oyunçu verdiyi açıqlamada “Sarı-qırmızılı”lara ilk gəlişindən bəhs edib: “Qalatasaray”dan təklif gələndə PSJ ilə hazırlıq prosesində idik. Erden Timurla görüntülü söhbət etdim. Daha sonra ailəm və dostlarımla məsləhətləşmə prosesi oldu. Bura gələndən sonra azarkeşlər məni çox yaxşı qarşıladılar, özümü evdəki kimi hiss etdim. Mən bura gələndən bəri hər kəs “Fənərbağça” oyununda qalib gəlməyin nə qədər vacib olduğunu deyir. Azarkeşlərimiz sosial şəbəkədə qarşılaşmanın əhəmiyyətini bizə hiss etdirdilər. Zədəmə görə ilk 11-də çıxa bilmədim bilmədim, ancaq bir müddət də olsa, töhfə verə bilmək mənim üçün çox vacib idi”. Qeyd edək ki, “Qalatasaray”ın heyətində 8 matça çıxan İkardi 5 qol və 4  məhsuldar ötürmə ilə yadda qalıb.