İtaliya A Seriyasında “Udineze" ilə "Sassuolo" arasında (2-2 ) matçdan əvvəl digər matçlarda olduğu kimi Türkiyədə zəlzələdə həyatını itirənlər bir dəqiqəlik sükutla yad edilib. 90plus.az “Fotomaç”a istinadən xəbər verir ki, “Udineze" zəlzələdən əziyyət çəkən insanlar üçün yardım kampaniyasına başlayıb. Belə ki, oyunçuların "Sassuolo"ya qarşı geyindiyi formaları bazar günü (fevralın 18-də başa çatacaq) hərraca çıxarılıb. Qeyd edək ki, toplanan vəsait zəlzələdən zərərçəkənlərə bağışlanacaq.