Tiago Ilori: "Liverpul"a qoşulmaq axmaqlıq idi, uğursuzluğum tamamilə mənim günahımdır!"

90plus.az xəbər verir ki, 2013-cü ildə "Sporting" Lissabondan böyük ümidlərlə "Liverpul"a transfer olunan Tiago Ilori, Premier Liqada heç bir oyuna çıxmadan 2017-ci ildə klubdan ayrıldı. O dövrdə "Liverpul" meneceri Brendan Rodgers tərəfindən "gələcəyin ulduzu" kimi təqdim olunan Ilori, karyerasının bu əhəmiyyətli transferindən sonra böyük bir məyusluq yaşadı.

"Liverpul"da keçirdiyi dövrdə yalnız üç matçda forma geyinən Ilori, uzun müddət müxtəlif klublarda icarə əsasında oynadı. Lakin Premier Liqada bir matç belə oynaya bilmədən 2017-ci ildə "Readinq"ə transfer oldu. 31 yaşlı futbolçu, "Liverpul"dakı zamanını qiymətləndirərkən, "Liverpul"a qoşulmaq axmaqlıq idi, bu mənim səhvim idi" deyərək peşmanlığını ifadə etdi.