Belçika millisinin hücumçusu Romelu Lukaku məşqçisi və əfsanəvi futbolçu Tieri Anriyə olan dərin minnətdarlığını paylaşımında ifadə edib.
90plus.az xəbər verir ki, Lukaku sosial media hesabında paylaşdığı mesajda Anrinin ona verdiyi bilik və dəstəyə görə təşəkkürünü bildirib:
"Usta və şagird. Mənə verdiyin müdriklik və bilik üçün təşəkkür edirəm. Mənə etdiklərin üçün hər zaman minnətdar olacağam. Söz verirəm ki, artıq gecəyarısı sənə zəng edib məsləhət istəməyəcəyəm! Təşəkkürlər, Thierry Henry," – deyə Lukaku paylaşımında qeyd edib.
Romelu Lukaku Anri ilə Belçika milli komandasında birlikdə çalışdığı dövrdə onun rəhbərliyi altında böyük inkişaf etdiyini dəfələrlə vurğulayıb. Anrinin hücumçularla fərdi məşqləri və taktiki təhlilləri, xüsusilə Lukakunun oyunu oxuma qabiliyyətini və hücumda effektivliyini artırıb.
Oyun zamanı daha ağıllı hərəkət etməyi, ofsayddan qaçmağı və fərdi bacarıqlarını inkişaf etdirməyi də ustadından öyrənib, Lukaku.
Bu yaxın münasibət və qarşılıqlı hörmət, iki futbolçunun – biri keçmişin əfsanəsi, digəri isə bu günün ulduzu – arasında qurulan güclü bağın göstəricisidir.
