Azərbaycan boksçusu Malik Həsənov (63,5 kq) Paris-2024 Yay Olimpiya Oyunlarına lisenziya əldə edib. 90plus.az xəbər verir ki, Həsənov bu uğura Tailandın paytaxtı Banqkokda keçirilən II Dünya Olimpiya Təsnifat Turnirində nail olub. Ürək sözləri. VİDEO https://t.me/doxsanplus/83451 Bu, boks üzrə Azərbaycan millisinin Paris-2024 Yay Olimpiya Oyunlarına qazandığı 4-cü vəsiqə olub. Daha əvvəl Nicat Hüseynov (51 kq), Murad Allahverdiyev (80 kq) və Məhəmməd Abdullayev (+92 kq) də eyni nailiyyətə imza atıblar. Qeyd : Boksçularımızdan Şamil Əsgərov (57 kq), Alfonso Dominqes (92 kq) və Zeynəb Rəhimova (54 kq) da lisenziya uğrunda mübarizəni davam etdirirlər.