"Qarabağ"ın futbolçusu Marko Veşoviç Avropa Liqasında 1/8 finala vəsiqə qazanmaları ürək sözlərini deyib. 90plus.az xəbər verir ki, 32 yaşlı müdafiəçi Bakıdakı cavab görüşündən sonra jurnalistlərə bunlarə söyləyib: “ Nə hiss edə bilərəm? Biz xoşbəxtik, razıyıq. Biz tarixi nəticə əldə etdik. Bu uğuru qazanmağa görə ölməyə də hazır idik. Növbəti mərhələyə vəsiqə qazandıq. Bu bizim üçün çox vacibir. Biz xarakterimizi göstərdik. Güclü rəqibə qarşı yüksək səviyyədə oyun nümayiş etdirdik”.  Veşoviş öz oyunundan razı qaldığını vurğulayıb: " Bu gün özümdən də razıyam. Komandama kömək etdim. Düşünürəm ki, bütün oyunçular yaxşı oynadılar. Bütün oyunçular 100 faiz güclərini, ürəklərini ortaya qoydular.  Emosional bir matç idi. Yəqiin ki, hamı bunu görürdü. Düşünürəm, azarkeşlər də bu gün xoşbəxt və razıdırlar”.  Qeyd : "Qarabağ" 1/8 final mərhələsində Almaniya nəhəngi "Bayer Leverkuzen"lə qarşılaşacaq. İlk oyun martın 7-də Bakıda, cavab oyunu isə martın 14-də Leverkuzendə olacaq.