Mayk Taysonu məğlub edən bloqer Ceyk Pol bu dəfə irlandiyalı MMA döyüşçüsü Konor Makqreqora meydan oxuyub.

90plus.az xəbər verir ki, bu barədə o, "X" sosial şəbəkəsindəki hesabında paylaşım edib.

"Hörmətli Konor, bilirəm ki, komandama mənimlə orta çəkidə döyüşəcəyini söyləmisən. Bu heç vaxt baş verməyəcək. Ancaq gəl MMA döyüşü keçirək. Çəki kateqoriyası olmadan - əvvəllər olduğu kimi. Amma sən istəmirsən," - deyə, Pol yazıb.

Makqreqor təklifə hələlik heç bir reaksiya verməyib.

Xatırladaq ki, 27 yaşlı Pol boks döyüşündə 58 yaşlı boks əfsanəsi Mayk Taysonu məğlub edib. O, bu döyüşdən 40 milyon dollar gəlir əldə edib.