Avstriya-Türkiyə (2-1) matçında qol sevincini "Bozqurd" işarəsi ilə bildirən türkiyəli futbolçu Merih Dəmiral UEFA tərəfindən 2 oyunluq cəza alıb.
90plus.az xəbər verir ki, Prezident İlham Əliyevin “X” hesabında Türkiyənin qələbəsini təbrik edib və Merihin cəza almasına münasibət bildirib.
O, paylaşımında “Almaniyada keçirilən futbol üzrə Avropa çempionatında uğurla çıxış edən qardaş Türkiyə milli komandasını 1/4 mərhələyə vəsiqə qazanaraq 8 ən güclü Avropa millisi arasında yer alması münasibətilə təbrik edirəm" - deyə qeyd edib.
Prezident həmçinin “Xüsusilə, 1/8 final mərhələsində 2 qol vuraraq oyunun ən yaxşı futbolçusu seçilmiş Merih Demiralı təbrik edirəm. Merihə qarşı tətbiq edilən cəza ədalətsizdir və bunu qətiyyətlə pisləyirəm. Türkiyə millisinə Hollandiya ilə oyunda qələbə arzu edirəm! Yaşasın Türk dünyası!” - deyə bildirib.
FOTO:
