Lionel Messi argentinalı futbolçunu milliyə çağırılmamaqla hədələyib!
90plus.az xəbər verir ki, “İnter Mayami”nin hücumçusu Liqalar Kubokunun finalında “Sietl Sounders”ə 0:3 uduzduqları matçda həmyerlisi Pedro de la Veqa ilə mübahisə edib.
38 yaşlı ulduz 24 yaşlı cinah oyunçusuna belə deyib:
“Mən yığmada olduğum müddətdə sən heç vaxt milliyə çağırılmayacaqsan”.
VİDEO: https://t.me/doxsanplus/107155
MLS veteranı, əvvəllər "LA Qalaksi"də Devid Bekhem ilə birlikdə çıxış etmiş Alan Qordon deyib:
“Oyun zamanı onlarda kiçik bir mübahisə oldu. Messi ona üzünü tutaraq dedi: ‘Mənim olduğum müddətdə heç vaxt milli komandada oynamayacaqsan’. O, praktiki olaraq onu meydanda qara siyahıya saldı. Bu, mənim üçün dəhşətlidir.”
Qordon bildirib ki, bu məlumatı etibarlı mənbədən alıb. De la Veqa isə Liqa Kubokunun ən yaxşı oyunçusu seçildikdən sonra mübahisəni kiçildərək jurnalistlərə deyib:
“Messi və [Rodrigo] De Paul? Onlar əladırlar. Onlar dünya çempionlarıdır və mənim idolumdurlar. Mübahisə yalnız oyunun bir hissəsi idi. Mən diqqətimi toplamağa çalışdım və bunu şəxsi qəbul etmədim. Argentina millisinin üzvü olaraq onlara qarşı oynamaq fərqli bir təzyiq yaradır.”
De la Veqa əvvəllər ölkəsini U-20 səviyyəsində təmsil edib. Görəsən, o, Messi milli komandada olduğu müddətdə əsas heyətə çağırılacaqmı – hələlik bu sual açıqdır, xüsusilə də rekordlar qıran ulduz 2026 Dünya Çempionatı sonrası milli futboldan çəkilə biləcəyinə işarə edib.
📰: Goal
