"İnter Mayami"nin argentinalı hücumçusu Lionel Messinin qonşusu Messiylə qonşu olduqdan sonra evinin qiymətinin iki dəfə artdığını söyləyib. 90plus.az “Mundo Deportivo”ya istinadən xəbər verir ki, onlar Mayamidə Fort-Loderdeyl kurort şəhərinin sahilində qonşudurlar. “ Mən evimi 20 milyon dollara almışam. Messi gələndən sonra isə ev 45 milyon dollar dəyərində olub. Beləliklə, kapitalımı 25 milyon dollar artırmışam. Messi bu rayona köçdükdən sonra hamı burada yaşamaq istəyir. Bura tək girişi olan hasarlanmış ərazidir. Bu, çox təhlükəsiz və qorunan ərazidir. İndi Messi buradadır. İnsanlar onu görmək ümidi ilə qayıqlarla bura gəlirlər”. Xatırlatma : Messi 2023-cü ilin yayında azad agent kimi “İnter Mayami”yə keçib. Bu müddət ərzində hücumçu bütün turnirlərdə 14 matçda iştirak edib, 11 qol vurub və 5 məhsuldar ötürmə edib.