Bu gün “Neftçi” və “Spartak” arasında keçiriləcək yoxlama matçından əvvəl Moskvada törədilmiş terror qurbanlarının xatirəsi 1 dəqiqəlik sükutla anılacaq. 90plus.az xəbər verir ki, “Neftçi” bu barədə məlumatı “Matç TV”yə çatdırıb. “Neftçi” tərəfi hadisəni böyük faciə adlandırıb. “Neftçi Arena”da keçiriləcək “Neftçi” - “Spartak” oyunu saat 18:00-da başlanacaq. Qeyd : Dünəm Moskvadakı “Krokus Siti Holl”da terror aktı törədilib. Son məlumata görə, ölənlərin sayı 93-ə çatıb, 140-dan çox yaralı var. Ölənlər arasında 17 yaşlı azərbaycanlı Sevinc Rüstəmova da var.