Türkiyənin 10 vilayətində ciddi dağıntılara səbəb olan 7,7 və 7,6 bal gücündə zəlzələlərdən sonra qardaş ölkəyə dəstək mesajları gəlməyə davam edir. 90plus.az xəbər verir ki, serb tennisçi Novak Cokoviç zəlzələ fəlakəti ilə bağlı hisslərini "Samsunspor"un futbolçusu Yusuf Emre Gültekin vasitəsilə bölüşüb. Cokoviç zəlzələ ilə bağlı danışıb: “Belqradda dostum Yusufla birlikdəyik. Hazırda Türkiyədə çətin günlər keçirən insanlara ən xoş arzularımı və salamlarımı çatdırmaq istəyirəm. Zəlzələnin fəsadlarını göstərən foto və videoları gördüm. Ürəyim sizinlədir. İnsanların möhkəm qalmasını arzulayıram”.