Pau Kubarsi ailə dəyərləri, şöhrət və La Masiadan yüksəlişi barədə danışıb.

90plus.az xəbər verir ki, “Barselona”nın gənc müdafiəçisi Pau Kubarsi yüksək səviyyədə çıxış etdiyi dövrdə həyatından, qazandığı şöhrətdən və Hansi Flik rəhbərliyi altında əsas komandaya qədər olan sürətli yüksəlişindən səmimi şəkildə bəhs edib.

19 yaşlı futbolçu bildirib ki, onun ayaqda möhkəm qalmasında ailə tərbiyəsinin böyük rolu var:
“Anam çox diqqətlidir ki, mən düzgün yoldan çıxmayım. Əks halda, məni şillələyər.”

Kubarsi ailəsinin ona təsirindən də danışıb:
“Valideynlərinin ailəni dolandırmaq üçün necə ağır çalışdığını görəndə, bu sənin üçün nümunəyə çevrilir. Mənim valideynlərim çox zəhmət çəkiblər.”

Artan məşhurluğuna baxmayaraq, o, bəzən diqqətdən necə kənarda qaldığını da izah edib:
“Mən dostlarımla birlikdə çıxıram və hamımızın saç düzümü eyni olduğuna görə məni tanımaq çətin olur.”

“Barselona”nın müdafiəçisi utancaq xarakterli olduğunu da etiraf edib:
“Yaxşı tanımadığım insanlarla olmaq, ünsiyyət mənim üçün çətindir.”

Bununla belə, yaxın çevrəsində daha fərqli olduğunu qeyd edib:
“Dostlarımla, güvəndiyim insanlarla olanda daha şən oluram.”