Penalti zamanı ikili toxunuşla bağlı qayda dəyişir – IFAB-dan yeni qərar!
90plus.az xəbər verir ki, Futbol Assosiasiyalarının Beynəlxalq Şurası (IFAB) penalti zamanı topa iki dəfə toxunma ilə bağlı qaydada mühüm dəyişiklik edib. Yeni qərarlar 1 iyul 2025-ci ildən qüvvəyə minəcək.
VİDEO: https://t.me/doxsanplus/103650
Yenilənmiş qaydalara əsasən:
- Əgər penaltini yerinə yetirən futbolçu təsadüfən topa iki dəfə toxunub qol vurarsa, bu zaman zərbə təkrarlanmalıdır.
- Əgər futbolçu təsadüfən iki dəfə toxunduqdan sonra qol vura bilməzsə və bu vəziyyət rəqib komandaya birbaşa üstünlük qazandırmazsa, o zaman hakim dolayı cərimə zərbəsi təyin edəcək. Bu hal oyunsonrası penaltilər seriyasında baş verərsə, penalti realizə olunmamış sayılacaq.
- Əgər penalti icra edən oyunçu qəsdən topa hər iki ayağı ilə toxunarsa və ya başqa oyunçu topa toxunmadan ikinci toxunuşu edərsə, bu zaman birbaşa cərimə zərbəsi təyin olunacaq. Oyunsonrası penaltilər zamanı da bu qayda keçərlidir və həmin penalti realizə olunmamış hesab ediləcək.
- Qeyd: Bu dəyişikliklər penalti zərbələrinin icrası zamanı daha ədalətli və texniki cəhətdən dəqiq qərarların verilməsi məqsədi daşıyır.
📰: IFAB
