"Real"ın keçmiş yarımmüdafiəçisi, hazırda "Yuventus"da oynayan Anhel Di Mariya yaşadığı çətin anlardan danışıb. 90plus.az xəbər verir ki, o, 2013-cü ildə yeni doğulmuş qızını az qala itirə biləcəyini xatırlayıb: ““Real”la kuboku qazandıq. Mən əla il keçirdim. Bir həftə sonra qızım dünyaya gələndə “Atletiko”ya qarşı oynadıq və mən fərqləndim. Qızımı gündə iki dəfə görə bildiyim üçün çətin idi. Gününü xəstəxanada keçirdim, gecə isə qızım olmadan evə qayıtdım. O, ölümə yaxın idi. Çox çətin idi, sən gedirdin və ertəsi gün nə olacağını bilmirdin".