“Qarabağ” bu gün UEFA Avropa Liqasında ilk oyununu keçirəcək. 90plus.az xəbər verir ki, “köhlən atlar” 3-cü təsnifat mərhələsinin ilk matçında Bakıda Finlandiyanın HJK komandasını qəbul edəcək. Tofiq Bəhramov adına Respublika stadionunda keçiriləcək matç saat 20:00-da başlayacaq. Ağdam klubunun heyətində əsas itki zədəli Marko Veşoviçdir. Komandalar arasında cavab oyunu avqustun 20-də keçiriləcək. HJK 2021/2022 mövsümündə Avropa Liqasının 3-cü mərhələsində “Neftçi”ni iki oyunun (3:0, 2:2) nəticəsinə əsasən mübarizədən kənarlaşdırmışdı. Bu cütün qalibi pley-off mərhələsində “Olimpiya” (Sloveniya) – “Qalatasaray” (Türkiyə) cütünün məğlubu ilə qarşılaşacaq. Uduzan komanda isə Konfrans Liqasında qrupa düşmək uğrunda “Farul” (Rumıniya) – “Flora” (Estoniya) cütünün qalibi ilə üz-üzə gələcək. UEFA Avropa Liqası 3-cü təsnifat mərhələsi, ilk oyun 10 avqust 20:00. Qarabağ – HJK (Finlandiya) Baş hakim: Roy Reinsreyber (İsrail) Tofiq Bəhramov adına Respublika stadionu