“Qarabağ”ın UEFA Avropa Liqasının pley-off mərhələsindəki mümkün rəqibi dəqiqləşib. 90plus.az xəbər verir ki, “köhlən atlar” Finlandiyanın HJK klubunu mübarizədən kənarlaşdıra bilsə, Sloveniya çempionu “Olimpiya” ilə üz-üzə gələcək. Buna sloveniyalıların UEFA Çempionlar Liqasının 3-cü təsnifat mərhələsində iki oyunun nəticəsinə əsasən Türkiyə “Qalatasaray”ına uduzması səbəb olub – 0:3, 0:1. “Qarabağ” pley-offa yüksəlsə, ilk görüşünü səfərdə keçirəcək. HJK – “Qarabağ” matçı avqustun 17-də, saat 20:00-da start götürəcək. Ağdam klubu ilk oyunda 2:1 hesabı ilə qalib gəlib.