“Qarabağ”ın Avropa Liqasının pley-off mərhələsində “Olimpiya”ya (Sloveniya) qarşı keçirəcəyi ilk oyununun planları müəyyənləşib. 90plus.az xəbər verir ki, Ağdam təmsilçisi avqustun 23-də saat 11:00-da çarter reysi ilə birbaşa Lyublyanaya uçacaq. Həmin gün Qurban Qurbanovun yetirmələri oyunöncəsi məşqinə çıxacaq. “Olimpiya” – “Qarabağ” matçı avqustun 24-də “Stojitse” stadionunda keçiriləcək və saat 22:00-da başlayacaq. Oyundan dərhal sonra “köhlən atlar” vətənə qayıdacaq.