"Qarabağ" bu gün Avropa Liqasının qrup mərhələsində 3-cü tur oyununa çıxıb. 90plus.az xəbər verir ki, Ağdam təmsilçisi səfərdə Almaniya "Bayer"i ilə qarşılaşıb. Görüş Leverkuzen klubunun 5:1 hesablı qələbəsi ilə yekunlaşıb. Nəticədə Ağdam təmsilçisi bu mövsüm Avroliqanın qrup mərhələsində ilk məğlubiyyətini alıb.   Bayer Leverkuzen isə 2001-02-dən sonra ilk dəfə UEFA yarışmasında qrup mərhələsinin ilk üç oyununda da qalib gəldi. Onlar bu mövsüm bütün yarışlarda heç vact uduzmayıblar. Qrupun başa çatan digər matçında "Molde" (Norveç) Hekken"i (İsveç) qəbul edib və 5:1 hesablı qələbə qazanıb.  Avropa Liqası, qrup mərhələsi, 3-cü tur 23:00. "Bayer" (Leverkuzen, Almaniya) - "Qarabağ" (Azərbaycan) - 5:1 Qollar:  Florian Virts, 6 (1:0), Toral Bayramov, 16-pen. (1:1), Aleks Qrimaldo, 29 (2:1), Viktor Bonifeys, 35 (3:1), Aleks Qrimaldo, 54 (4:1), Edmond Tapsoba, 57 (5:1) Hakimlər:  Horatiu Feşniç, Valentin Avram, Alexandru Cerei, Szabolks Kovaks "BayArena". "Molde" (Norveç) - "Hekken" (İsveç) - 5:1 Qollar: Qulbrandsen, 7 (1:0), Sanko, 21 (1:1), Eykrem, 27 (2:1), Breybik, 30 (3:1), Eykrem, 55 (4:1), Bjornbak, 90+3 (5:1)