Kriştiano Ronaldonun “Əl-Nəsr”lə yeni müqaviləsinin detalları açıqlandı: Futbol tarixində görünməmiş razılaşma əldə olunub!
90plus.az xəbər verir ki, portuqaliyalı ulduz futbolçu Kriştiano Ronaldo “Əl-Nəsr”lə yeni iki illik müqavilə imzalayıb və bu anlaşma futbol dünyasında böyük səs-küyə səbəb olub. Razılaşmanın şərtləri sadəcə maaşla məhdudlaşmır – Ronaldo həmçinin klubun səhmlərinin bir hissəsinə də sahib çıxacaq!
Müqavilənin əsas detalları:
- 178 milyon funt sterlinq illik maaş
- Həftəlik gəlir: 3.4 milyon funt
- “Əl-Nəsr” klubunun 15%-lik payı (təxminən 33 milyon funt dəyərində)
- İmza bonusu: 24.5 milyon funt (ikinci il aktivləşərsə, 38 milyona qalxacaq)
- Hər qola görə 80,000 funt (ikinci ildə bu məbləğ 20% artır)
- Hər məhsuldar ötürməyə görə 40,000 funt (ikinci il üçün də artım nəzərdə tutulur)
- Səudiyyə çempionluğu halında 8 milyon funt bonus
- Bombardirlik mükafatı halında 4 milyon funt
- Asiya Çempionlar Liqası çempionluğu halında 6.5 milyon funt mükafat
- Şəxsi təyyarə xərcləri – illik 4 milyon funt – klub tərəfindən ödəniləcək
- 60 milyon funtluq sponsorluq razılaşmaları (Səudiyyə və Asiya bazarındakı yeni şirkətlərlə)
Ronaldoya ayrılan şəxsi heyət:
Ronaldonun xidmətində 16 nəfərlik şəxsi heyət olacaq:
- 3 sürücü
- 4 ev işçisi
- 2 aşpaz
- 3 bağban
- 4 mühafizəçi
Bu müqavilə ilə Ronaldo nəinki “Əl-Nəsr”in əsas simasına çevrilir, həm də klubun bir hissəsinin sahibi olur. Sözsüz ki, bu razılaşma futbol tarixində ən sərfəli və qeyri-adi müqavilələrdən biri hesab olunur.
“Əl-Nəsr” Ronaldonun timsalında həm idman, həm də kommersiya baxımından böyük qazanc əldə etməyi hədəfləyir. 40 yaşlı hücumçu isə qarşıdakı illərdə 1000-ci qol hədəfinə doğru irəliləyir və futboldakı dominantlığını davam etdirmək niyyətindədir.
