"Borussiya"nın (Dortmund) yarımmüdafiəçisi Emre Can 2018-ci ildə "Liverpul"dan "Yuventus"a keçdikdən sonra xərçənglə mübarizə apardığını açıqlayıb. 90plus.az DAZN-a istinadən xəbər verir ki, türkəsilli alman futbolçu deyib: "Yuventus"la müqavilə imzalamazdan öncə tibbi müayinədən keçdim. Tibbi müayinədən qalxanabənzər vəz xərçəngi aşkarlandı. Bir-iki aydan sonra baş məşqçi mənə zəng edərək həkimə getməli olduğumu söylədi. Nələr olduğunu anlamamışdım. Sonra xərçəng olduğumu öyrəndim. Təcili əməliyyata ehtiyacım var idi. Həyatımda çox dəyişdi. Pulun çox ola bilər, hər şeyin ola bilər, amma sağlamlıq hər şeydən önəmlidir. Bu, həyatın bir hissəsidir və hər kəsə testdən keçməyi məsləhət görürəm. İnsan özünü nə qədər sağlam hesab etsə də, problemi vaxtında bilsəniz, hərəkətə keçə bilərsiniz. “Yuventus”un həkimlərinə minnətdaram. Heç vaxt xərçəng olduğumu düşünməzdim. Ən azı bunun üçün Turinə köçməyə dəyərdi”.