Millimiz Avstriyada toplanır: Malta və San-Marino ilə oyunlar olacaq.
90plus.az xəbər verir ki, Azərbaycan milli komandası yay fasiləsində hazırlıq prosesini Avstriyada davam etdirəcək. Ayxan Abbasovun rəhbərlik etdiyi kollektiv iyunun əvvəlində təlim-məşq toplanışına start verəcək.
Yığmamız hazırlıq çərçivəsində iki beynəlxalq yoldaşlıq görüşündə qüvvəsini sınayacaq. Rəqiblər isə Malta milli futbol komandası və San Marino milli futbol komandası olacaq.
Matçların proqramına əsasən, Azərbaycan seçməsi iyunun 5-də Malta ilə, 9-da isə San-Marino ilə üz-üzə gələcək.
Qeyd: Toplanış iyunun 1-dən 10-dək davam edəcək və bu müddət ərzində məşqçilər korpusu komandanın fiziki və taktiki hazırlığını yoxlamaq imkanı əldə edəcək.
