"Barselona"nın baş məşqçisi Xavi La Liqanın 19-cu turunda "Jirona"ya qarşı keçirəcəkləri oyundan əvvəl fikirlərini bildirib. 90plus.az klubun mətbuat xidmətinə istinadən xəbər verir ki, mütəxəssis deyib: “Əvvəlki mövsümlə müqayisədə biz La Liqaya rəhbərlik etmək, Kral kubokunun yarımfinalına çıxmaq və Superkuboku qazanmaq üçün əla vəziyyətdəyik. Möhtəşəm bir dövrdür. Bu "Barselona"dır və biz "Jirona"nı məğlub etməliyik. Qalib gəlməsək, fəlakət olacaq. Odur ki, oyun başlamazdan əvvəl indiki vəziyyətimizdən zövq alaq”. Qeyd edək ki, Kataloniya təmsilçisi hazırda 44 xalla La Liqanın turnir cədvəlində 1-ci yerdədir. Xatırladaq ki, bu gün keçiriləcək "Jirona" - "Barselona" matçı Bakı vaxtı ilə saat 19:15-də başlayacaq.