Qardaş ölkə Türkiyədə bir futbolçu öz imkanları ilə zəlzələnin dağıntıları altından çıxmağı bacarıb. 90plus.az xəbər verir ki, bu barədə "NTV Spor" məlumat yayıb. Türkiyənin 2-ci həvəskar liqasında mübarizə aparan "İstiklalspor"un futbolçusu Barış Çivelek güclü zəlzələnin olduğu şəhərlərdən biri Kahramanmaraşda öz imkanları ilə dağıntıların altından çıxıb. O, başından və bədəninin müxtəlif nahiyələrindən xəsarət alıb. 28 yaşlı müdafiəçi quru yolu ilə məmləkəti İzmitə aparılıb.