Türkiyənin kişilərdən ibarət voleybol millisinin iki üzvü ölkədə baş verən güclü zəlzələ nəticəsində dünyasını dəyişib. 90plus.az xəbər verir ki, bu barədə "TRT Spor" məlumat yayıb. Yığmanın voleybolçuları Mehmet Can Ağırbaş və Emincan Kocabaş vəfat edib. Kocabaş və Ağırbaş "Malatya Büyükşehir Belediyespor"un formasını geyinirdilər. Xatırladaq ki, voleybolçu cütlük - Betül Çoban Çakır və həyat yoldaşı Bedrettin Çakır da zəlzələnin qurbanı olub.  Qeyd edək ki, fevralın 6-da səhər saatlarında qardaş ölkənin bir neçə şəhərində güclü zəlzələ baş verib.