Eden Hazard 2013-cü ildə “Suonsi”yə qarşı oyunda təpiklədiyi topdaşıyan uşaq Çarli Morqanla yenidən bir araya gəlib. 90plus.az "The Sun"a istinadən xəbər verir ki, Hazard həmin uşağın spirtli içki markasının reklamında görünüb. Maraqlıdır ki, Eden Hazard tərəfindən təpiklənən Çarli Morqan indi milyonçudur. Məktəbi bitirdikdən sonra Çarli dostu ilə birlikdə spirtli içki şirkəti qurur. Dünyanın 40 ölkəsində satılan içki markasının reklamlarında Floyd Meyvezer və Ronaldinyo kimi ulduz adlar yer alıb. Hətta Çarli Morqan 2022-ci ildə “The Times”ın Gənc Zənginlər siyahısında 24-cü yerdə qərarlaşıb.