"Qəbələ" futbol klubunun baş məşqçisi Kaxaber Tsxadadze Azərbaycanla Gürcüstan futbolunu müqayisə edib.
90plus.az xəbər verir ki, "Qəbələ"nin gürcü baş məşqçisi "Qarabağ"ın təkbaşına Azərbaycan futbolunu irəli apara bilməyəcəyinə inandığını vurğulayıb :
"Bəli Gürcüstanda "Qarabağ" kimi klub yoxdur. Amma bizdə 300-dən çox oyunçu ölkənin xaricində çıxış edir. "Qarabağ" avrokuboklarda çox yaxşı oynayır. Həmin oyunlarda heyətdə neçə yerli futbolçu olur? Avrokuboklarda maksimum 2-3 azərbaycanlı futbolçu ilə oynayırlar. İnkişaf üçün yalnız "Qarabağ"ın olması bəs etmir".
