Türkiyənin Milli Müdafiə Nazirliyi Türkiyə-Çexiya (2:1) oyununu coşqu ilə izləyən Azərbaycan əsgərlərinin görüntülərini paylaşıb.

90plus.az xəbər verir ki, nazirliyin sosial media hesabından: “Can Azərbaycandan bizim uşaqlara tam dəstək” başlığı ilə paylaşılan mesajda “Təşəkkürlər can Azərbaycan, təşəkkürlər Qarabağın aslanları... Hər zaman bir və bərabərik" ifadələrinə yer verilib.

Paylaşılan görüntülərdə Türkiyə-Çexiya qarşılaşmasını həyəcanla izləyən Azərbaycan əsgərlərinin matçın son dəqiqələrində Türkiyənin vurduğu qələbə qolu ilə böyük sevinc yaşadığı görülüb.

Qeyd: Almaniyada keçirilən Avropa çempionatında Çexiyanı 2:1 hesabı ilə məğlub edən Türkiyə qrupu 2-ci pillədə başa vuraraq, 1/8 finala vəsiqə qazanıb.

VİDEO

https://t.me/doxsanplus/85062