UEFA növbəti iki həftə ərzində İsrailin himayəsi altında keçiriləcək bütün oyunları ləğv edib. 90plus.az qurumun saytına istinadən xəbər verir ki, 2024-cü il Avropa çempionatının seçmə mərhələsi çərçivəsində oktyabrın 12-də keçiriləcək İsrail və İsveçrə matçı qeyri-müəyyən müddətə təxirə salınır. Bundan əlavə, 21 yaşadək futbolçular arasında UEFA Avropa çempionatının iki oyunu təxirə salınıb, İsrail oktyabrın 12-də Estoniya, sonra isə oktyabrın 17-də Almaniya ilə qarşılaşmalı idi: "UEFA mövcud təhlükəsizlik vəziyyəti nəzərə alaraq İsraildə növbəti bir neçə həftəyə planlaşdırılan bütün oyunları təxirə salır" deyə məlumatda bildirilir! Qeyd edək ki, İsrailin bir neçə şəhəri Həmas tərəfindən kütləvi raket atəşinə məruz qalıb!