Niderlandın "Ayaks" komandası ciddi itki ilə üzləşib.
90plus.az xəbər verir ki, Amsterdam klubunun müdafiəçisi Aleksandr Zinçenko zədələnərək sıradan çıxıb. Bu barədə rəsmi açıqlama yayılıb.
Bildirilib ki, Zinçenko ölkə çempionatının 23-cü turunda “Fortuna” ilə keçirilən və 4:1 hesabı ilə yekunlaşan oyunda dizindən xəsarət alıb. 29 yaşlı sol cinah müdafiəçisi əməliyyat ediləcək və mövsümün sonuna qədər komandasına yardım göstərə bilməyəcək.
Qeyd: "Ayaks" futbolçunu fevralın 1-də "Arsenal" klubundan icarə əsasında transfer etmişdi. Təcrübəli oyunçu yeni komandasında 2 görüşdə ümumilikdə 20 dəqiqə meydanda olub.
