Bu gün “Borussiya” (Dortmund) “Bazel”lə (İsveçrə) yoxlama matçı keçirib . 90plus.az xəbər verir ki, almanların 6:0 hesabı ilə qalib gəldiyi oyunda Sebastyan Aller diqqət mərkəzinə düşüb.  2022-ci ilin iyulunda “Borussiya”ya transfer olunan Kot-d’İvuarlı hücumçuda onkoloji xəstəlik qeydə alınıb. Bundan sonra o, kimyaterapiyadan keçib və iki dəfə əməliyyat olunub.Bu ay məşqlərə qayıdan futbolçu bu gün meydana çıxıb. 61-ci dəqiqədə oyuna daxil olan Aller 7 dəqiqə ərzində het-trik edib. O, matçın sonlarında - 81, 86 və 88-ci dəqiqələrdə fərqlənib.