Xəyal Əliyev: “Əhval-ruhiyyəmiz bomba kimidir”.

90plus.az xəbər verir ki, Misli Premyer Liqasının növbəti turunda keçirilən “Sabah” – “Araz” matçında 4:1 hesablı qələbədə dubl edən “Sabah”ın yarımmüdafiəçisi Xəyal Əliyev oyundan sonra fikirlərini bölüşüb.

Futbolçu ardıcıl qollar vurmasından məmnun olduğunu bildirib:

“Çox sevinirəm ki, ardıcıl qollar vururam. Ümid edirəm ki, davamlı olar. Növbəti matçda da qol vurub, azarkeşləri sevindirmək istəyirəm”.

Xəyal Əliyev komandanın məqsədinin hər oyunda qələbə qazanmaq olduğunu da vurğulayıb:

“Hər oyuna qələbə üçün çıxırıq. İnşallah, bütün matçlarda qələbə qazanarıq. Əhval-ruhiyyəmiz bomba kimidir. Hər şey yaxşı olacaq”.

Qeyd: Hazırda “Sabah” 46 xalla Misli Premyer Liqasının turnir cədvəlinə liderlik edir.