Yaponiya Liqasında bir mövsümlüyünə fərqli format tətbiq olunacaq. Yeni qərara əsasən, çempionatda artıq heç-heçə nəticə qeydə alınmayacaq.

90plus.az xəbər verir ki, qaydalara görə, əsas vaxt bərabərliklə başa çatarsa, komandalar penalti seriyasına müraciət edəcəklər. Bu zaman penaltilərdə qalib gələn tərəf 2 xal, məğlub olan komanda isə 1 xal qazanacaq. Oyunun əsas vaxtında qələbə əldə edən kollektivə isə 3 xal veriləcək. Məğlub olan tərəf xalsız qalacaq.

Qeyd: Sözügedən dəyişiklik bir mövsüm ərzində qüvvədə olacaq. Yeni sistemin çempionata necə təsir göstərəcəyi isə maraqla gözlənilir.