“Səhər namazını gözləməyim həyatımı xilas etdi”. 90plus.az xəbər verir ki, bu sözləri “Hatayspor”un oyunçusu Kevin Soni deyib. Futbolçu zəlzələdən necə qurtulması haqqında danışıb: "Mən müsəlmanam. Məni xilas edən, günün ilk namazını qılmaq üçün səhər saat 6:40-a qədər gözləməyim oldu. Həmin gecə yata bilməmişdim. Əgər yatsaydım, yəqin ki, öləcəkdim”. Kevin soni komanda yoldaşı Kristian Atsudan da bəhs edib: “Zəlzələdən əvvəl Kristian Atsu ilə telefonla danışmışdım. Onunla son dəfə mən danışmışam. Bazar günü cərimə zərbəsindən gözəl qol vurmuşdu. Biz onunla həmin matç haqqında danışmışdıq. Ona çox yaxşı oynadığını və matçını bəyəndiyimi söyləmişdim. Ümid edirəm ki, yenidən birlikdə oynamaq şansını əldə edəcəyik”.