“Şaxtyor Donetsk”in baş məşqçisi Arda Turan: “Belə bir nəticəni gözləmirdim”.
90plus.az xəbər verir ki, Ukrayna Premyer Liqasının 13-cü turunda “Şaxtyor Donetsk” səfərdə “Obolon Kiyev” üzərində 6:0 hesablı inamlı qələbə qazanıb. Matçdan sonra komandanın baş məşqçisi Arda Turan klubun rəsmi sosial media hesabına danışaraq həm nəticəni, həm də tətbiq etdiyi taktikaları dəyərləndirib.
Turan görüşdən əvvəl belə böyükhesablı qələbə gözləmədiyini bildirib:
“Oyunçularımı təbrik edirəm. İstədiyimiz oyunu oynadılar və meydanda tam hakim idilər. Qol ilk hissənin sonunda gəlsə də, ümumilikdə oyunun kontrolu bizdə idi. Topa sahib olduq, doğru mövqeləri tapdıq. Yalnız hücum setinə yerləşəndə kənarlarda bir az statik qaldıq. Buna görə də Bondarenko ilə Newerton-u daha uyğun mövqelərə çəkdik, Azevedo və Tobiası isə içəriyə yönləndirdik. Fərqli hücum quruluşu ilə nəticəyə getmək istədik.”
Türkiyəli məşqçi beşli müdafiə sisteminə qarşı tətbiq etdiyi xüsusi planı da açıqlayıb:
“Beşli müdafiələrə qarşı edilə biləcək ən yaxşı şeylərdən biri yön dəyişmə və uzaq məsafədən zərbələrdir. Biz də bunu etməyə çalışdıq və nəticəsini gördük.”
Arda Turanın taktikaları Ukrayna futbol ictimaiyyətində böyük maraq doğurub və 6:0-lıq qələbə günün əsas mövzularından birinə çevrilib.
