Azərbaycanın paraatleti Səid Nəcəfzadə Yaponiyanın Kobe şəhərində keçirilən dünya çempionatında qızıl medal qazanıb. 90plus.az Gənclər və İdman Nazirliyinin media hesabına istinadla xəbər verir ki, Səid "T12" kateqoriyasında uzunluğa tullanma üzrə yarışda 7,30 metr nəticə ilə birinci olub. Bu idmançımızın mundialda ilk qızıl medalıdır. Səid Nəcəfzadə ötən il Parisdə təşkil edilən dünya çempionatında bürünc medala sahib çıxıb. İdmançı Tokio paralimpiadasının bürünc medalçısıdır. Qeyd : Xanım paraatletimiz Lamiyə Vəliyeva 100 metr məsafəyə qaçış üzrə yarışda milli komandamıza ilk qızıl medalı qazandırıb.