"Dortmund"da daha bir yeni ulduz parıldayır.

90plus.az xəbər verir ki, Bundesliqa mövsümünə "Eintracht Frankfurt" qələbəsi ilə başlayan və daha sonra məğlubiyyətsiz davam edən "Borussiya Dortmund" UEFA Çempionlar Liqasındakı ilk oyununda da 3 xal qazandı.

Yeni formatla ilk dəfə təşkil olunan nəhənglər liqasında Belçikada "Club Brugge" klubunun qonağı olan Nuri Şahin rəhbərliyindəki sarı-qara komandası ikinci hissədə vurduğu qollarla oyunu 3:0 hesabı ilə qazandı.

LİQADA 3 OYUNDA 7 XAL

Almaniya Bundesliqasında mövsümün ilk oyununda "Eintracht Frankfurt"u 2:0 məğlub edən "Borussiya Dortmund", sonradan "Werder Bremen" ilə bərabərə qaldı. Keçən həftə isə Dortmund evdə "Heidenheim"i 4 qolla keçdi.

3 oyun sonunda 6 qol vurub və 2 qol buraxan Nuri Şahinin komandası topladığı 7 xalla 3 oyunda 3 qələbə qazanan "Bavariya Münhen"in ardından ikinci sıradadır.

YENİ ULDUZ BYNOE-GITTENS

"Borussiya Dortmund"da bu mövsüm diqqət çəkən adlardan biri 20 yaşlı Jamie Gittensdir.

İngiltərədə "Reading" akademiyasında yetişən və "Manchester City" akademiyasında da çıxış edən gənc futbolçu 2020-ci ildə "Borussiya Dortmund"a transfer oldu. Dortmund klubuna transfer olduqdan 2 il sonra əsas komandaya yüksələn Gittens, son 2 mövsümdəki qol sayını bu mövsüm 5 oyunda geridə qoyub.

Bundesliqanın ilk həftəsində "Eintracht Frankfurt" oyununda komandasının 2 qolunu vuran Jamie Bynoe-Gittens, dünənki "Club Brugge" oyununda da 2 qol vurdu. Beləliklə, Gittens bu mövsümdəki 5-ci oyununda 4 qola çatdı.

Gənc futbolçu "Club Brugge" ilə qarşılaşmanın ən yaxşı oyunçusu mükafatını qazandı.