İngiltərə millisinin baş məşqçisi Qaret Sautqeyt Avropa çempionatında İspaniya ilə final matçından öncə açıqlama verib.

90plus.az xəbər verir ki, Sautqeyt sözlərində belə qeyd edib:

"Bu oyunlarda hər şeyi həll edən xırda detalları öz xeyrimizə həll etməliyik. Belə matçlarda hər şeyi düzgün etmək lazımdır.

Mən nağıllara inanmıram, amma xəyallara inanıram. Böyük arzularımız var idi, amma indi onları reallaşdırmalıyıq. İndi ən önəmlisi finaldakı oyunumuzdur. İspaniyanın oyun tərzi çox aydındır. Çox yaxşı pressinq edən komanda var. Onlar topa çox yaxşı sahibdirlər. Buna görə də biz mümkün qədər mütəşəkkil oynamalıyıq.

Penaltilər seriyasına hazırlıq? Düşünürəm ki, bu, həmişə təzyiq altında istifadə etdiyiniz, lakin öyrədilə və təkmilləşdirilə bilən bir bacarıqdır. Biz bu prosesi nəzarətə götürmək və bunun üçün məsuliyyət daşımaq istəyirdik. Son dörd penalti seriyasından üçündə qalib gəldik və bu, böyük nailiyyətdir. Yenidən ehtiyac olarsa, hazır olmalıyıq".

"Oyunçularıma final haqqında çox söz deməyə ehtiyac yoxdur. Final üçün əlavə motivasiya nəyə gərək?!"

Qeyd: Avro-2024 İspaniya-İngiltərə final matçı bu gün Bakı vaxtı ilə 23:00-da start götürəcək.