Misli Premyer Liqasının 29-cu turunda “Turan Tovuz”la səfər oyununda 1:1 hesabı ilə başa çatan qarşılaşma Davit Volkov üçün xüsusi əlamət daşıyıb.

90plus.az xəbər verir ki, gürcüstanlı hücumçu bu matçda vurduğu qolla Azərbaycan çempionatında ümumi qollarının sayını 60-a çatdırıb. O, bu göstəriciyə 198 oyun ərzində nail olub.

Volkov Azərbaycan futbolunda karyerası boyunca bir neçə klubun formasını geyinib və hər komandada öz izini qoyub:

• “Qəbələ”də 27 oyunda 7 qol

• Sabah FK heyətində 63 oyunda 16 qol
• Zirə FK tərkibində isə 108 oyunda 37 qol

Beləliklə, o, Azərbaycan çempionatında 60 və daha çox qol vuran futbolçular siyahısında 31-ci oyunçu kimi tarixə düşüb.